Bugsukan Falls, Tiwi Albay: A Waterfall flowing Straight to the Sea

Tara, samahan mo ako sa isang nature trip na sulit na, libre pa! Kung gusto mong magpahinga sa gulo ng city life at huminga ng preskong hangin, halika na sa Bugsukan Falls sa Misibis, Tiwi, Albay.

Isa ito sa mga itinatagong ganda ng Bicol. Hindi pa gaanong kilala, pero once na makita mo, masasabi mong sobrang sulit talaga. Ang malamig na tubig nito ay galing mismo sa Malinao mountain range na direktang umaagos sa dagat ng Lagonoy Gulf. Yep, you read that right, waterfalls na sa dagat umaagos ang tubig!

Bakit Tinawag na Bugsukan Falls?

Tinatawag itong “Bugsukan” dahil sa dire-diretsong “bugsok” o bagsak ng tubig mula sa bundok papunta sa dagat. Sa local dialect, bugsok ay tumutukoy sa malakas o biglaang pagbagsak—kaya bagay na bagay sa karakter ng falls na ‘to. Hindi lang siya basta tahimik na batis; may impact siya. May buhos. May dating.

Maliit lang ang falls pero may dating ang view. Ang lugar ay napapaliputan ng rock formations at mga naglalakihang puno. Sa kabilang banda kung saan umaagos ang tubig ng falls ay ang napakagandang dagat. Para kang nasa isang paraiso talaga!

At ang pinaka-the best? Walang entrance fee. Nature trip na walang gastos. Saan ka pa?

Mga Pwedeng Gawin sa Bugsukan Falls

Pagdating mo rito, siguradong mapaparelax ka. Pwede kang magbabad sa malamig na tubig habang pinapakinggan ang tunog ng agos. May mga bato kung saan pwede kang tumambay, mag-picnic, o simpleng magpahinga.

Photogenic din ang lugar—lalo na kung hilig mo ang nature shoots. Gusto mo ng souvenir na pang-Instagram o pang-profile pic? Sulit ang every angle dito. Mas maganda kung may dala kang camera o mag-book ng local photographer para ma-capture ang raw beauty ng lugar.

At kung rider ka o mahilig sa scenic drives, magandang i-extend ang biyahe papunta sa Partido Riviera na 15 minutes away lang ! Isa ito sa mga kilalang viewing spots sa area kung saan makikita mo ang buong Lagonoy Gulf in all its glory.

Paano Pumunta sa Bugsukan Falls?

Kung galing ka ng Legazpi o kahit sa malalayong bayan, madali lang ang biyahe papunta sa Bugsukan Falls sa Misibis, Tiwi, Albay. Walang trail, walang entrance fee, at sobrang lapit lang sa highway!

Step-by-step commute guide:

1. Mula Legazpi, sakay ng jeep o van papuntang Tabaco City.
Tip: Hanapin ang mga biyahe sa terminal sa may SM.

2. Pagdating mo sa Tabaco, hanapin ang terminal ng jeep papuntang Tiwi—nasa gilid lang ito ng Tabaco Municipal Hall.
Magtanong ka lang sa mga locals kung saan sakayan pa-Tiwi, very approachable naman sila.

3. Sakay ka ng jeep papuntang Barangay Misibis.
Sabihin mo sa driver na bababa ka malapit sa Bugsukan Falls. Few meters lang ito mula sa national highway, kaya hindi ka maliligaw.

May sarili kang motor o sasakyan?

• Pwede ka dumaan galing Joroan (11 km lang) o mula Tiwi Municipal Plaza (20 mins away).
• Walang parking area, pero pwede mong ipark ang motor o sasakyan sa gilid ng kalsada bago bumaba sa falls.

Pro Tip: Masaya itong isabay sa beach trip mo sa Tiwi o sa pagbisita sa Joroan Church!

Tara na sa Bugsukan Falls!

Kung hanap mo ay tahimik, natural, at hindi masyadong crowded na destination, perfect ang Bugsukan Falls para sa’yo. Sulit ito sa mga gustong mag-relax, mag-adventure, o mag-road trip na may reward sa dulo.

Libre. Malamig. Presko. At may bonus pang dagat view!

Kung hanap mo pa ay hidden waterfalls sa Albay, puntahan mo din ang Palale Falls sa Malinao, Albay.

Share this with your travel buddies!